Мектепке жол

«Kazakhoil Aktobe» ЖШС «Мектепке жол» республикалық акциясына қатысты

Ізгі дәстүрге айналғандай, компаниямыз жыл сайын өткізілетін «Мектепке жол» республикалық акциясына белсене қатысып келеді. Акцияның басты мақсаты – жаңа оқу жылы қарсаңында аз қамтылған және көпбалалы отбасылардың балаларына, жетім балаларға және ата-ана қамқорлығынсыз қалған балаларға материалдық көмек көрсету. Сонымен қатар, бұл бастама әлеуметтік себептерге байланысты мектепке бармай қалудың алдын алуға бағытталған.

Биылғы жылы «Kazakhoil Aktobe» ЖШС жалпы сомасы 8 миллион теңгеге 844 мектеп құрал-жабдықтар жинағын сатып алып, кен орындарына жақын орналасқан елді мекендердің балаларына және Ақтөбе қаласындағы қоғамдық ұйымдардың тәрбиеленушілеріне табыстады.

Көмек төмендегі өңірлердің балаларына көрсетілді:

📍 Мұғалжар ауданы Қандыағаш қ., Ембі қ., Жем қ., Батпақкөл, Құмжар, Еңбек, Жұрын, Мұғалжар, Егіндібұлақ ауылдық округтері;

📍 Байғанин ауданы, Қызылбұлақ, Жарқамыс ауылдық округтері

📍 Ақтөбе қаласы Астана ауданы

📍 Облыстық білім басқармасы

Біз үшін білім – болашақтың берік іргетасы. Жаңа оқу жылына дайындық кезеңінде балаларға қолдау көрсету арқылы біз өскелең ұрпақтың дамуына және өңірлеріміздің игілігіне үлес қосып келеміз.